【Dream Plus：夢工場x寄賣點】一個讓身為手作人的你：實現及展示作品的Dream Place
- 小編B
- 2021年6月21日
- 讀畢需時 2 分鐘
#招募有夢想和手藝的你 ｜實現夢想的起點，以優惠價錢使用「寄賣點」格仔櫃
有一日，小編B正與友人偶談近況 …
小編B﹕「聽聞阿E你最近自己開始整緊啲手作產品喎，生意好唔好咁呀﹖」
友人E﹕「都OK啦，但梗係想愈多人認識我嘅手作產品，咁就愈好呢﹗」
小編B﹕「咦﹗我中心嚟緊有一個「夢工場x寄賣點」計劃會推出，目的就係想幫多啲剛剛起步嘅「手作人」，多一個可以展示自己手作成品嘅地方之餘，仲希望可以畀到更多人睇到佢地嘅產品，你有無興趣咁先﹖」
友人E﹕「聽落又好似幾吸引喎 ~ 可唔可以介紹多啲資料畀我聽，個計劃係點? 收費又係點? 等我參考吓。」
小編B﹕「梗喺可以啦﹗其實呢個計劃，對象除咗我中心現有嘅會員外，我哋都想藉住呢個機會，去聚集一班對手工藝創作有團火嘅人、又或者啱啱創立咗自己個人品牌又想推廣畀多啲人認識嘅，「寄賣點」就係正正為咗實現佢地嘅需要而出現嘅呢﹗」
小編B﹕「而『寄賣點』最大嘅好處主要有兩點：
1. 展示服務、對外宣傳，令更多人可以親眼睇到你嘅手作成品或服務介紹
2. 格仔櫃貨物交收：當你於自己網店上成功交易後，你嘅客戶可以能夠嚟到位置交通便利嘅旺角區，只要就番啱日子時間(我哋近乎一星期開足七日㗎)，出開街時就順便可以上嚟中心拎貨呢﹗」
友人E﹕「咦﹗咁又真係幾吸引喎，收費又點計呀?」
小編B﹕「宜家新推出嘅優惠期，入場費用，只係$900起，用六個月! 係六個月呀! 平均每個月真係$150起，就可以享用6個月嘅寄賣點，再加上優惠期內仲係$0佣金!」
友人E﹕「嘩! 係真唔係呀!? 平時我參加一次市集，當做下推廣想畀人認識我嘅作品，三日都已經差唔多去到呢個價呢！Come on！有無話要點申請到架? 」
小編B﹕「手續好簡單，只要 click入去以下呢條申請『寄賣點』嘅google form link:
填好資料後，負責同事會就你嘅申請，聯絡你傾吓計，了解一下適唔適合咁呢。」
【Dream Plus 寄賣點 】
實現夢想的起點，以優惠價錢使用「寄賣點」格仔櫃
地址：九龍旺角奶路臣街38號麥花臣匯3樓(香港遊樂場協會優才發展及交流中心)
如有任何查詢，請致電2573 9490/ 2771 3663與任小姐(Sevilla)或譚先生(Bryan)聯絡。
【夢工場- 手工藝小組 】
招募對象：
18-30歲，對手工藝有一技之長，已初創/準備創立自己品牌之青年/職青
理念:
幫助及推動一些初創/準備創立小生意的年輕人，鼓勵培養藝術專長。亦能透過交流相互學習彼此技能，幫助他們追夢、實現創業夢；同時透過義工服務，親身關心他人及社會基層現況，把所學知識/成品心意傳遞給社會上有需要的人、貢獻社會。
加入或查詢: 25739490 (江小姐)
Comments